![Brenton Kotorri](http://appa.brentonkotorri.com/wp-content/uploads/2015/02/Brentoni-300x300.jpg)
Brenton Kotorri
1- Ministri udhëheqës i patrembur
Në fillim të muajit dhjetor u mblodh raundi i radhës së donatorëve të Reformës AT. Në këtë takim, ministry prezantoi se sa trajnime u ishin bërë derimë tani punonjësve të 61 bashkive të reja për sa i takon funksionimit të këtyre bashkive, që sikurse e kemi cilësuar edhe në të gjitha raportet e vitit 2015, janë institucione jashtëkushtetuese. Bashkitë e reja janë struktura paralele teorikisht, me strukturat që përshkruan Kushtetuta e Republikës së Katërt të Shqipërisë. Sikurse deshi ministri vetë të interpretonte, në një takim në Korçë, ai tha se … “Gjykata kushtetuese vulosi ligjshmërinë e vizionit tonë…” që do të thotë se vetëm vizioni është i ligjshëm, që është njësoj si të thuash, në Shqipëri është e lejuar të kesh një vision mbi administrimin territorial. Mirëpo kjo nuk do të thotë se ke të drejtë ta bësh fakt të kryer pavarësisht se kushtetuta nuk e parashikon.
Më në fund, pas 2 vitesh e gjysmë në pushtet, dhe 6 muaj pas realizimit faktik të reformës AT, kjo qeveri u kujtua të çojë për votim në parlament Draft Ligjin për Qeverisjen Vendore në RSH. Ky gjest vërteton edhe një herë se të gjitha këto njësi, deri më sot kanë qenë plotësisht të pabazuara në ligj. Për rrjedhojë, të jashtëligjshme.
2- Vijon shakaja e antikorrupsionit
Në forumin Kombëtar të Antikorrupsionit, ministri mbajti një fjalim që u duartrokit fort prej gjithë partisë së tij. Në këtë fjalim ministri thoshte se e kemi luftuar antikorrupsionin duke treguar vullnet të pashembullt e gaishmeri të plotë. Mirëpo askund nuk fliste për statistika, e për fakte, se sin a qenka luftuar korrupsioni, kur vetëm në muajin dhjetor, portal që vetë ky ministër ka lançuar, kapi shifrën e 11 mijë denoncimeve, vetëm online. Pa shtuar këtu denoncimet për korrupsion që nuk bëhen online, dhe pa shtuar këtu rastet kur nuk denoncohet kjo vepër kriminale. Pra, si qenka luftuar korrupsioni? Këtë ministri nuk e tha kurrë.
Nga ana tjetër, sikurse raportohet në vetë faqen zyrtare online të ministrisë, këtë muaj u realizua më në fund edhe trajnimi i parë për sistemin e ri të gjurmimit elektronik të dënoncimeve. 11 muaj, pasi ky portal, u shpall me të madhe si mjeti kryesor i luftës kundër korrupsionit. farë duhet të mëndojmë atëhere se ka ndodhur derimë sot me denoncimet tona për korrupsion në administratë? Shqipëria në mëshirë të rryshfetit.