Flutura GJANA, është prej 2 vitesh konsulente teknologjie pranë departamentit IT Consulting, të kompanisë ndërkombëtare Deloitte.

Ajo ka përfunduar me sukses studimet për Inxhinieri Ekonomike, në Universitetin Politeknik të Tiranës ku dhe punon si pedagoge e jashtme. Gjatë periudhës së studimeve ajo ka publikuar disa punime shkencore në libra akademikë dhe ka marrë pjesë në disa konferenca si: Konferenca Ndërkombëtare e Tekstileve, Konferenca Ndërkombëtare mbi e Sfidat e Zhvillimit të Qëndrueshëm etj.

Ka kryer disa eksperienca profesionale, pranë kompanisë Vodafone Albania, Raiffeisen Bank dhe Institutit të Transportit. E motivuar për angazhimin civil dhe vullnetar, Flutura ka qenë pjesë aktive e organizatës më të madhe studentore AIESEC Albania (si zëvëndës presidente e Marketingut dhe Komunikimit dhe pjesë e ekipit organizues të forumit Rinor të Biznesit). Që prej vitit 2013 kryen punë vullnetare duke ndihmuar fëmijët me aftësi speciale.